Da Kine Greg

Dea was one time
when Greg wen say,
"Come go hele on brah,
I no like stay
inside Diamond Head, Pearl City,
mauka and makai,
my luau feet restless
I tink time to fly.
I try go mainlan bruddah,
but da wattah too deep.
I like bag, brah, garens!
Chee, we go one treep,
away from da blalas
away from da mokes
da lepos, da lolos
an' portagee jokes.
We come go see haoles
an beeg traffic jams,
weah local style mean
pay money foa tans."
So den Greg wen cut shoat
from island to hea,
an now we all party
on his 45th year.
We goin grind all his pupus
an lomi da kine,
cuz he stay, still yet, mainlan
but on Hawaiian time.
He going geev um till he hamajang
an maké li'dat.
Da suking guy ritcheous
an bra, dass one fact.
Happy birthday Greg,
you futless makaole,
you one toff pakiki
an we glad you went haole!